尋日去左睇港甲，屯門主場對傑志。
話說對上一次入場睇港甲球隊，係十年前同中學同學一齊入場睇亞洲盃賽冠軍盃，愉園對名古屋八鯨。唔洗講都知我入場係捧邊隊啦…XD 果晚差ｄ就比果幾個同學掉我落山 XD
尋日屯門主場既入座率好高，幾乎全場爆滿。雖然有人話係球隊/球買左一大堆門票再送出去，但我認為咁都係一個比區內人士接觸同認球隊既好方法。呃…我係購票入場的…
呢場屯門 o係開波初段先開紀錄之餘，不久後仲救到對方既十二碼，令全場球迷都熱血沸騰起黎。不過好可惜到比賽末段比對手連追兩球反勝。
全場球迷都好投入，睇波必備既 “萬人齊屌” 就一定有嫁喇，加埋間唔中仲有ｄ呀叔大嗌，氣氛唔錯 XD
0 Comments