相信 2020 年對好多人嚟講都係好難過嘅一年。
武漢肺炎對全球嘅影響有目共睹，好多人因而冇咗份工，未被炒嘅可能都要放下無薪假同 WFH (Work From Home)。小弟就算好彩，做緊間公司有啲穏定嘅客源，暫時仲做得住。
喺疫情環境底下，香港嘅政治紛爭仍然繼續，由街頭轉至深入每個角落。白色恐怖，自我審查，篤灰，都係香港人今年最能感受到嘅嘢。香港法治如何動搖，大家都心裡有數。
講返啲開心嘢
今年嘅時間過得好快。
好多習慣都改變咗，放假盡量唔出街，所以學識自己煮個冇咁頹嘅午餐。出入多咗揸車或者行路。仲有一排返工因為轉咗去另一個好近屋企嘅 site，可以踩單車添。
由於多咗時間喺屋企，打機都多咗，例如今年大熱嘅動物之森都花咗我唔少心機（已荒廢）。手機 game 反而玩少咗，依家甚至連每日登入都冇做…最近都係玩 Winning、萊莎2 同機戰 X，間中試下用 iPad Pro 畫畫，心情好就撚吓支結他。
唉好想去日本…
今年就係咁樣完咗…
0 Comments