廢苦之燃

Blog 廢苦之燃 生活

2020 回顧

相信 2020 年對好多人嚟講都係好難過嘅一年。

武漢肺炎對全球嘅影響有目共睹，好多人因而冇咗份工，未被炒嘅可能都要放下無薪假同 WFH (Work From Home)。小弟就算好彩，做緊間公司有啲穏定嘅客源，暫時仲做得住。

喺疫情環境底下，香港嘅政治紛爭仍然繼續，由街頭轉至深入每個角落。白色恐怖，自我審查，篤灰，都係香港人今年最能感受到嘅嘢。香港法治如何動搖，大家都心裡有數。

講返啲開心嘢

今年嘅時間過得好快。

好多習慣都改變咗，放假盡量唔出街，所以學識自己煮個冇咁頹嘅午餐。出入多咗揸車或者行路。仲有一排返工因為轉咗去另一個好近屋企嘅 site，可以踩單車添。

由於多咗時間喺屋企，打機都多咗，例如今年大熱嘅動物之森都花咗我唔少心機（已荒廢）。手機 game 反而玩少咗，依家甚至連每日登入都冇做…最近都係玩 Winning、萊莎2 同機戰 X，間中試下用 iPad Pro 畫畫，心情好就撚吓支結他。

唉好想去日本…

今年就係咁樣完咗…

By Lovre P, 3 年 ago

Blog 廢苦之燃 生活

恭喜自己開ｂｌｏｇ七週年

不經不覺，呢道已經開左七年。

第一個ｐｏｓｔ係喺２００６年１２月６日出的，回顧之前寫既野，覺得自己真係成長左，睇返都覺得好低ｂ，好想刪曬佢…XDDDDD

七年間雖然唔係話靠呢個ｂｌｏｇ得到好多野，但總算有個地方可以比自己發下ｕｐ瘋，亦都識到志同道合既 BeForU fans。雖然當中有停左好耐冇寫，但都仍然有留意仲有冇ｕｐｄａｔｅ，好多謝各位。

七年後既今日，呢度會繼續冇方向冇主題，諗到乜就扑ｄ乜。

七年來，除左大家之外，仲有三個伙伴一直默默咁陪伴住我同呢個ｂｌｏｇ的…
就係呢七年黎我用過既三部電腦了 XD
衣家就好快咁講下呢三部機啦

第一部係頭半年用既黃金牌砌機，當時用緊 AMD Athlon 2100+，詳見此ｐｏｓｔ。果陣應該都用左好幾年，仲換左唔少ｐａｒｔｓ，現已退役。

第二部就係 iMac 17″ 2006 年尾版。呢張係最後一次同佢影既相。用左一年半左右就死ｍｏｎ，到第四年我就因為覺得佢慢而換機。衣家成ｓｅｔ野搬左出廳比呀妹呀爸呀媽用。

第三部就係衣家用緊 Mac mini 2011 年中版，最平果個款。其實自從 iPhone iPad 可以做到好多野之後都越黎越少用…係睇日劇動畫同聽歌非用佢不可
近照如下：

Mac mini

呢部 DAC 都用左一年了，都係貪佢有多 input 又做得 DAC 先揀佢，但聲真係冇得同內置 sound card 比，完全唔同檔次

TEAC A-H01

呢個就係我打 LRFF13 時擺既陣，iPad 要黎睇攻略 XD

LLFF13

好喇呃左好多字數，又要返去同雷姐一齊毀滅世界喇

吓？下次幾時再出ｐｏｓｔ？問下雷姐啦

By Lovre P, 10 年 ago

廢苦之燃 生活 遊戲 音樂

很久沒見 (II)

一年半沒有寫過東西了呢 =.=||

最近公司的工作突然少了很多，所以也多了些時間，可以考慮再寫ｂｌｏｇ，不過應該會變成雜談的ｂｌｏｇ了吧 ~.~

=========================

在９月終於圓了去一次日本的心願，計劃會寫一下遊記，但未知何時會寫出來。

=========================

未來半年大概會忙著玩 FFXIII 的最後一部 — 雷姐回歸。
我真的很喜歡雷姐跟 FFXIII 呢…昨晚還看了浜渦正志的音樂會…
不知是有甚麼狗屎運，我的票居然是第一行正中間，而那個還要是細場，我跟 vocal 只有兩三步的距離…
要是能夠在這種距離下看教主大人或 Riyu 的演唱會就好了 T.T

雷姐回歸我只玩了一點點，有時間概念還真是他媽的嘛＿煩，好些主線任務都要等到指定時間才可以做，雖然可以到酒店睡到指定時間，但又因為支線任務不做又會令你可以用的日數減少，所以很茅盾…很煩…=.=

=========================

最近間中會去影相，不過只是新手級，甚麼都不懂亂影一通而已 =_=||

=========================