2021 年真係過得好快。
奧運、本地樂壇，仲有環境變化，都係今年最深刻嘅事情。
不過諷刺嘅係，呢一切我有部分都要喺 fb 呢個我想減少使用嘅平台上尋找。
我有啲明白我妹妹上年寫手帳嘅理由。2022 年，我應該都要用啲類似嘅方法記下事先得…
講到重回本地樂壇，或多或少都係受社會氣氛所影響，係一種身份認同。
好耐之前講咩係香港人、中国人，總會覺得係 subset 同 superset 咁，有啲模糊，亦唔覺得有咩需要去深究。但自從經歷過 2014、2019 年嘅事，尤其係 2019 年，就開始發現要走出呢個迷霧。
幾年前睇過一本由前南斯拉夫駐歐體大使所寫，關於佢點睇南斯拉夫分裂嘅書，當中有一少部分講到「何謂一個民族」。簡單嚟講，喺同一個地方生活，大家有共同語言，一齊經歷過有切身影響而影響極大嘅事，咁就有形成一個民族嘅基本背景。
近呢兩年確實係令唔少香港人對自己嘅身份認同明確咗，對於自己生活嘅地方有更多嘅關注。重回本地樂壇，除咗係潮流，更大嘅原因係一種感情投放。對唔同歌手、藝人有唔同嘅態度，正正就係身份認同嘅差別。
除此之外，廣東話歌亦係保存我哋嘅語言–廣東話嘅一個重要途徑。廣東話絕對唔係「方言」，係唔可以消失。廣東話可以化做文字成為紀錄，絕對唔係咩寫就梗係要寫書面語。我開始用廣東話寫 blog，亦係因為我唔想廣東話消失。
長命火就長命救 不斷地灌救
集合吧！地球保衛隊 / C AllStar
0 Comments