bilibili Down

最近開始學 Swift，第一個作品既題目就係「如何下載 bilibili 的視頻」。

唔想睇廢話請按此。

一如所料 Swift 的確比 Objective-C 易學，但又不會因而削弱功能。基本上 Objective-C 做到嘅嘢 Swift 都可以做到。語法亦比較簡單而睇，非常適合入門新手。而好似我咁有啲經驗既都可以學吓，我覺得用 Swift 可以比用 Objective-C 花更少時間去 code 同一樣嘢。

講返「如何下載 bilibili 的視頻」。

經過一輪研究，bilibili 網頁播放器其實會透過一個 API 去拎條片既位置。而呢個 API 就會比返一個 JSON （之前係 XML，好彩我做到最後測試佢就轉做 JSON，唔係就九成唔會改）比播放器，入面就有齊我想要既嘢。問題就係點樣使用呢個 API。

個 API 其實就唔可以就咁用，因為佢有一堆 key 呀 id 呀咁嘅嘢要黎做認證之類。要砌返出黎都幾煩，要分析 HTML，佢個網一改動過就有可能失效。於是我就用最懶嘅方法：WebKit

WebKit 有個好偉大嘅功能，就係佢每 load 一樣嘢都會比個通知你。於是就係用呢個功能去監察住佢幾時 load 果個 API，咁就省去自己砌既麻煩。而代價就係要用多啲時間同 memory…Any肥，總之拎到就得啦…XD

結果大概用左一個星期就一面學 Swift 一面寫咗出黎。

完成品在此。